Շաքարի արդյունաբերությունը կանգնած է նորարարությունների և էկոլոգիական մոտեցումների պահանջների առաջ, քանի որ ավանդական արտադրությունը հաճախ կապված է մեծ ջրի սպառում, քիմիական պարարտանյութերի և ածխաթթու գազի արտանետումների հետ։ Այս իրավիճակում որոշ ընկերություններ սկսել են օգտագործել օրգանական և կայուն արտադրության սերտիֆիկացում՝ նվազեցնելու շրջակա միջավայրի վրա ազդեցությունը և խթանելու պատասխանատու արտադրությունը։
Օրինակ՝ ԱՄՆ-ում գործող Florida Crystals ստանում է Regenerative Organic Certified (ROC) սերտիֆիկացում՝ հետևելով վերականգնողական գյուղատնտեսության սկզբունքներին։ Ընկերությունը բարելավում է հողի առողջությունը, խթանում կենսաբազմազանությունը և նվազեցնում ածխաթթու գազի արտանետումները։
յուս օրինակն է Բրիտանիայի ED&F Man Sugar-ը, որը համագործակցում է Fairtrade, Bonsucro և օրգանական սերտիֆիկացման մարմինների հետ։ Այս մոտեցմամբ նրանք ապահովում են կայուն և պատասխանատու շաքարի արտադրություն՝ օգնելով տեղական արտադրողներին ստանալ միջազգային սերտիֆիկացում։
Օրգանական և սերտիֆիկացված արտադրության շնորհիվ նվազում է շրջակա միջավայրի վրա ազդեցությունը՝ հատկապես հողի վնասման, ջրի սպառման և քիմիական աղտոտման առումով։ Այս գործընթացը նաև բարելավում է արտադրանքի վաճառքը՝ շնորհիվ վստահության և միջազգային ճանաչման։ Շաքարի արտադրությունը կարող է դառնալ կայուն, եթե ընկերությունները պահպանեն սերտիֆիկացման ստանդարտները։ Մասնագիտական սերտիֆիկացումը և միջազգային կազմակերպությունների աջակցությունը խթանում են փոքր արտադրողների մասնակցությունը և բարելավում ամբողջ արդյունաբերության էկոլոգիական կայունությունը։ Օրգանական մոտեցումները նպաստում են նաև տնտեսական օգուտների՝ բարձր գին արտադրանքի և շուկայի նոր հնարավորությունների տեսանկյունից։
Օրգանական և սերտիֆիկացված շաքարի արտադրությունը ապացուցում է, որ ընկերությունները կարող են համատեղել տնտեսական շահը և բնապահպանական պատասխանատվությունը։ Այս մոտեցումը կարող է կիրառվել նաև տեղական արտադրություններում՝ բարելավելով Հայաստանի շաքարի արտադրության էկոլոգիական և տնտեսական ազդեցությունը
Հոդվածը պատրաստեցին Արարատի տարածաշրջանային քոլեջի ուսանողներ Ջուլիետա Բադալյանը, Մարինե Սայադյանը ևԱննա Քոչոյանը։
