2025թ․ մայիսի 5-ին կայացավ LIAISE COST Action-ի Ղեկավար կազմի առցանց հանդիպումը։ Նիստում քննարկվեցին աշխատանքային խմբերի առաջընթացը, դրամաշնորհների բաշխումը և առաջիկա պլանները։ Անդամները ներկայացրեցին, թե ինչ գործողություններ են իրականացվել իրենց աշխատանքային խմբերում, ներառյալ հոդվածներ, գրքի պատրաստում, փոդքաստներ և հանդիպումներ։ Հաջորդ նիստը նախատեսվում է 2025-ի նոյեմբերին՝ դեմառդեմ ձևաչափով։
Հիշեցնենք, որ LIAISE COST Action-ը միջազգային գիտական համագործակցության ծրագիր է, որի նպատակն է խթանել արտադրական սիմբիոզի (IS) և շրջանաձև տնտեսության զարգացումը՝ ստեղծելով համագործակցության հարթակ արդյունաբերության, գիտության, կառավարության և հասարակության ներկայացուցիչների միջև։
“Ուղեցույց” ՀԿ-ի նախագահ Աննա Մարտիրոսյանը հանդիսանում է Հայաստանի ներկայացուցիչը LIAISE COST Action-ում, իսկ “Ուղեցույց” ՀԿ-ն՝ հիմնական գործընկեր կազմակերպություն։
Ավելի մանրամասն տեղեկատվությունը հասանելի է LIAISE COST Action-ի պաշտոնական էջում։
