1․ Ֆորվարդ ինտեգրում (forward integration)
Ֆորվարդ ինտեգրման դեպքում կազմակերպությունը վերահսկողություն է ձեռք բերում արտադրանքի դիստրիբյուտորների և մանրածախ վաճառքի նկատմամբ։
Ֆորվարդ ինտեգրման օրինակ է օնլայն վաճառքի կայքերի ստեղծումը։ Վեբ տեխնոլոգիաների զարգացումից հետո շատ կազմակերպություններ իրականացրեցին այս ռազմավարությունը՝ ստեղծելով իրենց սեփական օնլայն խանութները՝ այսպիսով սեփական ուժերով իրականացնելով ապրանքների մանրածախ վաճառքը։ Ֆորվարդ ինտեգրման մեկ այլ օրինակ է ֆրենչայզինգը։
Ֆորվարդ ինտեգրման օրինակ է Տեսլան։ Էլեկտրական մեքենաների արտադրող հանդիսացող Tesla-ի բոլոր մեքենաները վաճառվում են ընկերությանը պատկանող ցուցասրահների և կայքերի միջոցով: Մոտեցման հիմքում ընկած հիմնավորումը հաճախորդների փորձառության նկատմամբ ավելի լավ վերահսկողություն ունենալն է:
Ֆորվարդ ինտեգրումը միշտ չի, որ որպես ռազմավարություն արդյունավետ է։ Այդպիսի ռազմավարական քայլը կարող է արդարացնել իրեն, եթե․
- ներկա դիստրիբյուտորները չեն բավարարում կազմակերպության պահանջները (թանկ գին են առաջարկում, հուսալի չեն և այլն)։ Այդ դեպքում ֆորվարդ ինտեգրումը կնվազեցնի ծախսերը և դիստրիբյուտորների հետ կապված ավելորդ քաշքշուքը։
- բիզնեսը ունի բավարար կապիտալ և մարդկային ռեսուրսներ՝ սեփական արտադրանքը վաճառելու համար։ Բիզնեսը, որը տարիներ շարունակ կենտրոնացած է եղել արտադրության վրա, հնարավոր է չունենա մանրածախ վաճառքին բնորոշ հմտությունները։
- դիստրիբյուտոների շահութաբերությունը բարձր է։ Այդ դեպքում կազմակերպությունը կկարողանա ոչ միայն շահույթ ստանա նաև իր ապրանքների մանրածախ վաճառքը կազմակերպելուց, այլ նաև մրցունակ գին սահմանել
- բիզնեսը ցանկանում է ավելի ճշգրիտ կանխատեսել իր ապրանքների պահանջարկը։ Երբ կազմակերպությունը զբաղվում է նաև իր սեփական ապրանքների մանրածախ վաճառքով, այն հնարավորություն է ստանում ավելի մոտ գտնվելու վերջնական սպառողին, այսպիսով ավելի լավ է պատկերացնում սպառողների պահանջները
- բիզնեսը գործում է աճող ոլորտում։ Եթե ոլորտը զարգացող չէ, հնարավոր կրճատումների դեպքում բիզնեսը ստիպված է լինելու ոչ միայն կրճատել իր արտադրությունը, այլ նաև մանրածախ վաճառքի հետ կապված վնասներ կրել։
