2025 թվականի հունիսի 11-ին «Ուղեցույց» հասարակական կազմակերպությունը «Կրթենք և Շրջանառենք» ծրագրի շրջանակներում հանդիպում ունեցավ Հայաստանի պետական տնտեսագիտական համալսարանի Գյումրու մասնաճյուղի մի խումբ ուսանողների հետ։ Հանդիպման ժամանակ Ծրագրի ղեկավար Աննա Մարտիրոսյանը ներկայացրեց ծրագրի նպատակը և գործողությունները, ինչպես նաև ծրագրով նախատեսված ձեռնարկի ընթացիկ աշխատանքները և ձեռնարկով մշակվող շրջանաձև տնտեսության քեյսերի ուսումնասիրման և տարածման մեթոդը։
Ուսանողները հետաքրքրություն ցուցաբերեցին ծրագրի նկատմամբ և պայմանավորվածություն ձեռք բերվեց, որ առաջիկա մեկ ամսվա ընթացքում մասնակիցները, ծրագրի մենթոր Մերի Թումանյանի օգնությամբ կմշակեն քեյս սթադիներ, որոնք այնուհետև կհրապարակվեն ՀԿ-ի պաշտոնական կայքում։ Ուսանողների արձագանքները և արդյունքները շատ կարևոր են ձեռնարկի վերջնական տարբերակը լրացնելու և կատարելագործելու համար։
Կրթենք և շրջանառենք ծրագիրը աջակցություն է ստացել Հայաստանում Եվրոպական միության պատվիրակության կողմից՝ CirculUP! Ծրագրի շրջանակում, Իմփաքթ Հաբ Ցանցի, Իմփաքթ Հաբ Երևանի և Շրջակա Միջավայր և Առողջություն ՀԿ-ի հետ համատեղ:
